قسوة حروف

موضوع: قسوة حروف 2010-04-30, 14:01

[size=12]ليه الوعود في وجودي دايما مخلفه؟
موعود مع الحرمان أنا
معروف لدى الاسى و الضنى
محروم من (الشوف) و الحنان ... حتى الهنا
و دموعي تتقطر خريف ...
غير الحروف (ماف) زول بيقدر يكفكفه
***
مسكين أنا !!
بعيش على الوعد العدم
لاهث سنين خلف السراب ،،،
و حصادي من الشوق ... وهم
و الوعود المخلفه ،،،
في الدنيا بس هي البعرفه
***
جور يا زمان
خلي الحبيب يوعد و يخون
بدّل الاشواق عناد
و حِفّه بالشك و الظنون
و برضه حتى اللهفة ديك ...
مرسومة في جوّه العيون ،،،
خليها تتبدل جفا
***
و انا برضي صابر يا حروف
ما ضاع هواي
ما اتبددت لهفة مشاعري ،،،
و لا أنطفت شمعة وجودك يوم معاي
لكن عزاي ...
أبكيك يا حروف بي سكون ،،،
و أحفظ هواك جواي ... كفى !!

[/size]

» شخصيتك بعدد حروف إسمك..