نرجوا التسجيل لتكون عضوا من اعضاء منتدي ايجي بويز (مرحبا بك)
اهلا بك زائرنا الكريم يرجي التفضل بالتسجيل في المنتدي -التسجيل 3 خانات فقط
الاسم والايميل والباسورد
_:_:_:_@ EGY BOYS TEAM @:_:_:_:_



 
الرئيسيةالدينس .و .جبحـثالتسجيلدخول

شاطر | 
 

 اجعلي ملابسك القديمة ملابس على الموضة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
xX.MAZIKA.Xx
المدير العام

المدير العام
avatar

ذكر
الديك
عدد المساهمات : 1964
الـــتـــقـــيـــيـــم : 0
تاريخ الميلاد : 16/02/1993
تاريخ التسجيل : 17/04/2010
العمر : 24
الموقع : EGYBOYS

مُساهمةموضوع: اجعلي ملابسك القديمة ملابس على الموضة   2010-12-16, 05:57

بسم الله الرحمن الرحيم

اخواتي الماميهات هذا موضوع منقول عجبني كتير واستفدت منه ولهذا ابغي تستفيدو منو انت ن ايضا ارجو انو ينال اعجابكن
قبل مادخل بالموضوع ،،،رجااااااء ابي تفاعل منكم مثل
مااشوف في باقي المواضيع وابي استفيد من افكاركم والصور الموجوده عندكم
،،،، واللي تقدر تطبق أي فكره ،، ياليت تسويها وتنزل لنا الصوره حتى نشوف
كيف تغير لبسها ويمكن تضيف شي ماخطر على بالنا

لانه فيه ماميهات ماشالله لعبتهم الملابس والازياء وعندهم هواية في التعديل والتبديل وعندهم ذوق راقي في التنسيق والتركيب

خلاصة كلامي انك تقدرين تسوين حركات بسيطه تحولين ملابسك من قديمه الى جديده وعالموضه
انا جمعت أفكار كثير واخذت التنانير والبلايز والجلابيات الي راحت موضتها ،،، وقمت اعدل وأبدل واقص واشيل واحط

بس للامانه للحين ماوديتها الخياط ،،،

بالبدايه أجمعي كل ملابسك القديمه واللي تحسين انتهت موضتها
اجمعي
العبابات القديم
الطرح والشالات
الايشاربات
التنانير والبلايز
البنطلونات
الجلابيات وحتى القمصان
الشراشف والملايات
فساتين السهره
فساتين البيت

أعديهن لعمليات التجميل والترقيع اللي بنقوم فيها وجهزي افكارك
طبعا انا بشرح لكم بالصور اللي ساعدتني واقتبست من أفكارها،،،
والحين الموضه الترقيع وهالشي بيساعد كثير

مثلا شوفوا هالصوره



عباره عن أقمشه متنوعه وملونه هاتي كل الملابس اللي بترمينها وقصصيها
مربعات متساويه وعطيها الخياط يركبها لك جنب بعض وبعدين يقصها ويصلحها
تنوره
وحاولي انتي تنسقين له الشكل والالوان ،،، وتقدرين تسوين المربعات بشكل كبير فكره ثانيه بالترقيع


هاتي تنوره واسعه ،،، ونسقي معها أقمشه من عندك ،، وقصيها مربعات كبيره وركبيها على جنب التنوره
وبيتغير شكل التنوره مررررررررررره وكأنك شاريتها جديده
ولا تستهلكين كل القماش اللي قصيتيه ،،، حاولي انك تبقين واحد من الاقمشه حتى تسوينه (بدي) او بلوزه قصيره حتى تلبسينه مع البلوزه
بالنسبه لي عندي تنوره واسعه لونها أخضر حلووو وجالسه أجمع ملابس فيها درجات الاخضر وبقصها مربعات وبخلي الخياط يركبها لي ان شالله
فكره اخرى
هذي عاااااااااااااااد تنورتي اللي رفضت خواتي يخيطون مثلها



وش رايكم تهبل صح؟
والله يابنات انها بكل الاسواق منتشره وسعرها ب 130 و 150 ريال ،،،،
بس لاحظت ان اللي بالسوق يصير لونين او ثلاث بس وحتى القماش مو ذاك الزين
ترا فكرتها بسيطه ،، وفيه مجال واااااااااااااااااااسع للأبداع
حصلت عندي بدولابي القديم ،،، شيفونات كثييييييييييير ،، كنت البسها شالات مع الفساتين ،، ايام موضة الشال
يجي طوله وعرضه بالضبط مثل مقاس الشيله اللي نلفها عالراس
حصلت كثير وبالوان مختلفه ،،، وديت الصوره للخياط وسالته كم تحتاج متر قال متر من كل قماش
والحمدلله طلع نفس المقاس اللي يبي ،،،عندي نفس الالوان الموجوده بالصوره الاخضر والعنابي والبني والاخضر الفاتح
بس المشجر اللي بالاخير ماحصلته وجبت قماش مشجر ثاني وحرصت يكون فيه لونين من الالوان الساده حتى تصير الالوان متنااااااااااسقه
وعلى فكره تقدرين تجمعين الطرح والشيل اللي عندك وتخلين الخياط يسويها لك تنوره واسعه وكل طبقه بتطلع بشكل
اتوقع بتصير خباااااااااال
شوفوا هذي صوره ثانيه لنفس الفكره


هذي عاد أسسسسسسسسسسسهل فكره شفتها



اذا عندك تنوره قصيره ،، سواء كانت قصير للركبه او قصيره شانيل ،، وتبين تطولين فيها وبنفس الوقت تغيرين شكلها
هاتي قماش فيه شغل حلو وخلي الخياط يقص التنوره من الوسط ،،، ويركب القماش الجديد وبكذا بتصير التنوره طويله وبشكل جديد
اهم شي يكون القماش الموصول شكله حلو وفيه شغل ملحوظ
وتقدرين تركيب من نفس القماش على البلوزه ،،، بأي شكل تبين
مثلا تقصين مربعين وسط وتخيطينهم عالبلوزه ،،، او تخيطين بدي من القماش
التوصيل وبكذا تتناسق مع التنورهنجي الحين للبلايز والبديهات والتوبات
يا سهل التلاعب فيهم
بعطيكم اسهل فكره
عندي بلوزه احبها مره ولها اكثر من 6 سنين عندي ،،، قماشها حلو وماسكه عالجسم لونها اسود ساده وكمها قصير يجي ربع
قررت اغير فيها مثل هالصوره



سهله صح؟
تقريبا الكم نفس طول كم اللي بالصوره ،، بس ماراح احط نركيبه مثل اللي
عالصدر لانها تبي خياط وانا مابي اخيط عليها شي عشان كذا بجيب بروش حلو
ونفس اللون بركب من تحت شريطة ساتان

طبعا بالاول راح اشوف لها تنوره تركب مع الالوان اللي بركبها عالبلوزه عشان ماتوهق بالتنوره بعدين
وطبعا مع بعض الا************سوار والشنطه والجزمه وروج بتطلعين روووعه

_______________________________________
عندي نفس البلوزه هذي بس بكم طويل وسااااااااااده




بقص الاكمام واخليها قصيره واركب لها مغاط حتى تتكرمش وعلى الصدر بركب لها وردات مثل الصوره بالضبط
وش رايكم ؟

________________________________________




بالنسبه لهذي تقدرين تحولين البدي الى بلوزه بكم

كيف؟
اذا عندك بدي قديم ،،، هاتي قماش نوعيه ثاني مثلا تل او دانتيل ويكون نفس
اللون وخلي الخياط يوصل القماش الجديد بالبدي القديم ويسوي له يدين وياقه
من نفس قماش البدي القديم.

حلو الكلام والا مش.؟؟؟؟!!!

او تلبسين بلوزه مخرمه ونفس اللون تلبسين بدي ضيق يعني من غير ماتخيطينهم

________________________________________



اذا عندك بلوزه قديمه ضيقه وتكون ساتان او تفته ،،، قصيها من عند الصدر وركبي لها شيفون مشجر بدون كم
وطوق حول الرقبه نفس لون البلوزه اللي قصيتيها
ترا يابنات لها طوق حول الرقبه بس انا قصيته من غير مانتبه
عجبتني الفكره مره بس مقدر البسها كذا بدون كم ،،، واذا لبست شي داخلي بيخرب الموديل
وش رايكم ؟؟ وش يصلح معها؟

________________________________________




أي بدي قصي سيوره وخليه توب ،،،وركبي له تعليقه حول الرقبه نفس الصوره
انا عندي تنوره سترتش ،،، بسويها توب وبركب له تعليقه من قماش مشكوك
بس انا ع************ ،،، البدي ساده وقماش التعليقه شك الوانه كثير
وتلبسينه فوق بلوزه او تلبسين فوقه جاكيت قصييييييير



هذا البدي عجبني مررررررررررررره

عندي نفسه بس اسود وطبقه وحده فقط وقررت ادخل تحت الطبقه السودا لونين من نفس القماش
فكرت احد رصاصي غامق والطبقه الثالثه رصاصي فاتح

وش رايكم ؟ يصلح الوان ثانيه

عطوني من أفكاركم



هذي سههههههههههههههههههههههله وبسيطه مره وماتبي شغل
هاتي بلوزه بيضاء اذا كانت طويله قصي الكم بس مو كله لا خليه نفس طول الصوره وكمليه بلون اسود
وروحي محل الكلف وهاتي ستراس باي شكل تبين وركبيه على الصدر او باي طريقه تعجبك
مو شرط ابيض واسود
اذا عندك بلوزه ورديه ركبي لها كم فوشي
واذا عندك بني ركبي معها بيج
تنسيق الالوان شي راجع لك ،،،واذا عندك بنطلون اسود ماتبينه تقدرين تسوين فيه نفس الحركه وبطلع عندك طقم كامل

الحين الجلابيات
ماعندي أفكار كثير بخصوص تغيير الجلابيات الا فكره وحده
وهي انك تحولين الجلابيه الى بنجابي
بما ان الجلابيه تجي واسعه ،،يمكنك قصها الى قطعتين
بشرح لكم بالصور








هاتي جلابيتك القديمه وياليت تكون شيفون او تل وخلي الخياط يقص الاكمام كلها ويقص الجلابيه من تحت لين الركبه او اطول شوي
اختاري احد الطريقتين اللي بالصور
يا اما قصه عاديه او قصة دائريه مثل الصوره الثانيه ( انا عجبتني الثانيه)
هاتي بنطلون قديم عندك ويفضل يكون سترتش وقصيه من فوق الركبه ،،،
شفتي الاكمام حقات الجلابيه اللي قصيتي ركبيها توصيله للبنطلون الاسترتش
،،، ويكون عندك بنجابي من قطعتين القطعه اللي فوق والبنطلون اللي تحت
واذا كانت الاكمام ضيقه وما تكفي ساقك ،،، خلي الخياط يوصل البنطلون بالقماش الباقي من الجلابيه
طبعا ماراح تلبسين البنجابي من غير كم ،،، هاتي شيفون او تل نفس لون جلابيتك وصلحيه شال طويل مره
ليش طويل؟
حتى تغطين فيه يدينك وترجعينه على ورا وتربطينه بشكل خفيف ،،،او تضمين الشال على جنب وتثبتينه ببروش
عاد ماتطوف عليكم حركات لبس الشال ،،،، البسيه بأي شكل بس المهم تسترين يدينك
واذا بغيتي البنجابي بكم نص او ربع لاتقصينه كله خلي شوي.
فكره ثانيه
وهي انك تلبسين البنطلون والشال نفس اللون بس يكون من درجات لون الجلابيه بس افتح شوي
هذي صوره ثالثه


شوفوا هالصورتين







البلوزه طريقتها سسسسسسسسسسهله وتقدرين تسوينها من غير خياط
هاتي قماش وقصيه مستطيلين متساوين وخيطي مع الجنبين بس ومن فوق ركبي لهم سيور

هاتي من محل الكلف ،،، حبل كرستال او سلسله حلقات او أيييييي شي تحصلينه بمحل الكلف ينفع تعليقه

وركبي واحد يمين والثاني يسار ،،، والبسي البلوزه وبالعافيه

اختي اشترت وحد بنفس الطريقه وعاااديه جدا ب 200 ريال

يعني لو عندك قماش شيفون ماتحتاجينه قصيه بنفس الشكل وركبي له سيور

هذا فكره السيور اللي اقصد

ممكن تطبقين نفس الفكره من اي قماش عندك زايد او من قماش فستان سهره فكيه وخيطيه
من غير ماتشترين












الرجوع الى أعلى الصفحة اذهب الى الأسفل
 
اجعلي ملابسك القديمة ملابس على الموضة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 
(¯`°•.¸¯`°•. منتديات الأسرة والمجتمع.•°`¯¸.•°`¯)
 :: الــــــــــمرأة :: مواضيع هامه للمرأة
-
انتقل الى: