الحــب اللــى كــان فى ايــام زمــان

الحب اللى كان ( ايام زمان )




هو وهي في حديقة الاسماك أو حديقة الحيوانات وخلفية موسيقية اغنية بحلم بيك لعبد الحليم حافظ"


هي:احمد , امبارح ما نمتش لحد الساعة 10 كنت سهرانة طول اليل يا احمد افكر فيك و اعد النجوم ما كنتش مصدقة اني هاشوفك النهاردة , يعني نبقي جيران واشوفك كل شهرين مرة.


هو:ما تتصوريش يا مني كلامك دا ان حاسس بيه اد ايه , انا كمان يا مني طول الليل افكر فيكي , وكتبتلك كلام كتير اوي وكان نفسي اقولهولك كله , وبعتلك سلاماتي مع القمر اللي فضلت احكيله عنك.
ايه رايك يا مني في السلسلة دي , دي اغلي شيء عندي اهديتهالي والدتي وقالتلي اديها لاغلي انسانة عندي
هي: جميلة اوي يا احمد دي اجمل هدية جت لي في حياتي
انت مش هتيجي تقابل بابا بقي يا احمد , انا بقي عندي 17 سنة وكل شوية عريس رايح وعريس جاي وبابا عايز يجوزني ابن عمي.


هو:طبعا يا مني انا خلاص بقيت موظف درجة رابعة اد الدنيا , انا هاروح اقابل بابا النهارة وان شاء الله كتب الكتاب والفرح يبقوا الخميس الجاي.



ودلوقتي الحب بقي... كدة:




"هو وهي في أحد الكافيهات أو المولات وخلفية موسيقية نجووووووووم اف ام"


هي:ايه اللي حصل امبارح يا حمادة , رنيتلك ييجي 50 مرة وانت منفضللي علي الاخر , فضلت سهرانة لحد الساعة 4 الصبح مستنياك تتكلم ولا حتي ميسد ولا مسج وبعدين انا ما شوفتكش بقالي يومين.


هو:يابنتي امبارح كنت مع اصحابي في السينما وبعدين روحنا نشيّش وراجع البيت الساعة 5 اساساً ما تكبّري بقي, وبعدين انا جيت ابعتلك مسج الموبايل فصل شحن.
المهم شوفتي بقي جبتلك ايه , الدبدوب اللي كنتي هتموتي عليه واحمر كمان


هي:يااه تحفة موت يا ميدو لا بجد عرفت تنشن
طيب عملت ايه في موضوع بابا يا حمادة , ماما بتزن علي دماغي علشان اوافق علي العريس اللي متقدملي وتقوللي بقي عندك 28 سنة هتقعدي اكتر من كدة ايه, انت مش ناوي تنجز بقي؟!


هو:يعني يا بيبي اعمل ايه بس اقطع نفسي انا لفيت علي كل الشركات وكله عايز انجليزي وكمبيوتر او كوسة بقي وانا مش فاضي لكورسات بقي ووجع دماغ انا ما صدقت اخدت البكالوريوس بالعافية, عموما ما تقلقيش كلها 5 سنين أرستأ نفسي وهتلاقيني بخبط علي باب بيتكم.





ياااااااااااااااااااه على الرومانسيه والحب



.
.
.
.
.
.
.
.
.
.
..
.
.
.
.
.
.
.
.
.
.
.
.
.
.
.
.
.
..
.
.
.
.
.
.
.
.


ربنا معاهم ههههههههههههههه

__________________


رغم الرحيل رغم ما فعلت بنا الأيام
قلبي لم يزل يحيا وحيـدا بالأمل
أنا يا حبيبة كل أيامـي قتيـلـك فـي الهــوى
كنا نعانق في الظلام دموعنـا
والقلب منكسر من العبـراتِ
هذي النهاية لم تكن أبدا لنـا
هذي النهاية قمة المأساة