بسم الله الرحمن الرحيم
اول مشكله :- انقطاع الانترنت و ظهور اتنين MAC Address لـ IP الروتر
فى عامل واحد مسبب لهذه المشكله الا و هو ال Automatic IP فاذا تم تحويل الشبكه الى Static IP تلاشت المشكله نهائيا و لكن ......
ماذا اذا استمرت المشكله ؟؟
تدخل على الروتر الخاص بك و تقوم بالغاء عمل الـ DHCP و الذى تكون مهمته وضع IP لكل MAC Address فى الشبكه سواء MAC Address لكومبيوتر او لابتوب او اجهزه اتصال خاصه او روتر و ان شاء الله تتلاشى المشكله و لكن ......
ما هى سبب المشكله ؟؟
سبب المشكله هو الـ DHCP لأنه يعطى للروتر IP و لجهاز على الشبكه نفس الـ IP و عندئذ يتوقف عمل الروتر و الجهاز الذى اخذ نفس IP الروتر و بالتالى اى جهاز على الشبكه سينقطع عنه الانترنت و لن يعود الا فى حاله عمل Restart لـلروتر لأنه فى كل مره يتم عمل Restart للروتر او للكومبيوتر فانه يأخذ IP جديد من الـ DHCP و يعمل قليلا حتى تعود المشكله و يعطى الـ DHCP نفس IP الروتر لجهاز فى الشبكه و لكن ......
هل هذه هيا مشكله الـ DHCP فقط ؟؟
بالطبع لأ فما يحدث بين الروتر و جهاز فى الشبكه يحدث بين جهازين فى الشبكه و ينتج عنه ايضا انقطاع الانترنت عن الجهازين و يكون ذلك مصحوب بظهور رساله Another Computer Have Your IP In Network و لكن ...
هل هناك مشاكل اخرى للـ DHCP ؟؟
نعم فهو المسؤول عن هذه الرساله This Connection Has Limited Or No Connectivity و التى تتسبب فى انقطاع الانترنت و تكون مصاحبه بعلامه تعجب (!) على شاشتى الاتصال اللتان بجانب الساعه فى اسفل الـ Taskbar
ملحوظه :- الـ DHCP هو Option مهم فى الـ Router و لكن هو السبب فى هذه المشاكل السابقه لأن الـ Routers الموجوده فى مصر سيئه جدا من حيث الـ Hardware و الـ Software طبعا لذلك فان كنت تريد ان ترى Router صح يقوم بعمل ISA Server و يقوم بمهام اخرى كثيره من غير تهنيج او اى مشاكل بالاضافه اللى القيام بواجبات الـ DHCP من غير اى مشاكل فما عليك الا ان تستخدم Cisco Router و هيا للعلم اغلى من الـ Routers الاخرى التى نستخدمها حيث يبتدأ سعر هذا الروتر من 1000 جنيه الى 1800 جنيه للروترات الـ ADSL فقط
تانى مشكله :- ازاى اعرف ان الشركه شغلت فعلا الخط بتاعى ؟؟؟
ناس كتير جدا بتقولى الشركه بتشتغلنى و بيقولولى وصلولى نت و انا معنديش نت ايه رايك
هقولكم على حاجه ساعات لما الشركه بتتأخر فى توصيل الخدمه فعلا بيشتغلونا و يقولولنا انهم وصلوا و يعطلونا كذا يوم جنبهم على اساس ان العيب من عندنا مش من عندهم و سعتها منعرفش نكلمهم
بس انا هريحكم و اقولكم ازاى متقعوش فى الاشتغاله ده
و ده هيبقى عن طريق الروتر
هتقولولى ازاى ؟؟؟؟
هقولكم
عن طريق لميه ADSL حيث ان اللميه ده ليها تلت حالات
اول حاله :-
لما اللميه بتبقى مطفيه و الروتر شغال اعرف ان انت الخط بتاعك مدبس فى السنترال و لا نزلت عليه الخدمه
تانى حاله :-
لما اللمبه بتبقى بتطفى و تنور ده معناها ان الخط بتاعك عليه الخدمه فعلا بس فى مشكله فى السنترال او فى الشركه او عندك فى وصله التلفون اللى جيه من البوكس مرورا بالـ Splitter و وصولا الى الروتر او فى الـ Software بتاع الروتر و موضوع الـ Software بيبقى نادر اوى
تالت حاله :-
لما اللمبه بتبقى ثابته و ده معناها ان النت شغال و مفيش اى مشاكل و كله تمام
ملحوظه
فى Routers لمبه الـ ADSL بتاعتهم بتبقى ديما مطفيه حتى لو نزلك خدمه الانترنت على الخط بتاعك يعنى مش هتشوفوا فيها موضوع ان اللمبه بتطفى و تنور زى مثلا TOPCOM Router انما الموضوع ده متوافق مع الروترات الشائع استخدمها زى ECOM و Repotec و SpeedTouch و D-Link
تالت مشكله :- ازاى اعرف ان جهازى متفيرس
كتير جتلى شكاوى من ناس بتقول ان النت عندها بطئ مع انها لوحدها على الشبكه و فى ناس برده يتشتكى ان الناس اللى معاها على الشبكه مش بتوع دونلوود و ناس كبيره اخرها تصفح و مع ذلك النت بطئ عايز اقولكم ان الموضوع ده بصراحه خسرنى كتير كنت فعلا زيكم معنديش حد بيعمل دونلوود و لقيت الناس بتشتكى و انا مكنتش عارف اعمل حاجه ايامها و بدأت الناس تسبنى و بدأت ادور على حل لغايه ما وصلت لسبب المشكله
و هيا ان الجهاز متفيرس
يعنى ايه ؟؟
فى فيروس بيصيب الاجهزه اللى مش عليها AntiVirus جامد و بيظبط نفسه انه يشتغل اول ما الجهاز يقوم يعنى بيحط نفسه فى قائمه الـ Startup
ممكن اشيله من قائمه الـ Startup ??
لو عرفته اساسا ده فى اكتر من كذا فيروس بكذا اسم بيعمل الموضوع ده و حتى لو عملت Disable all لكل الملفات اللى فى الـ Startup برضه هيرجع يشغل نفسه بعد فتره قصيره
طيب هو بيعمل ايه عشان يبطئ النت و يخلى الـ Time فى Ping عالى ؟؟
بيعمل على الاتصال بالانترنت بسرعه Dowload أو Upload عالى و ممكن ان يكون فيروس تجسس لأحد المواقع او السيرفرات
ايه اعراض الجهاز المصاب ؟؟
لما تكون مفيش غيرك فى الشبكه او النت لوحدك هتلاقى الـ Time عالى فى الـ Ping على مواقع الياهوو مثلا من غير ما تكون انت بتحمل او بترفع اى حاجه
طيب ما ساعات الـ Time بيبقى عالى عشان الخدمه سيئه من الشركه ؟؟
فعلا كلام مظبوط بس ده نادر اووى و عمتا اللى بيظهر نشاط الـ Virus على جهازك هو برنامج الـ WinArpSpoof اللى بيظهر عمليه الـ Send Traffic اللى بيقوم بيها الجهاز المصاب و اساسا المفروض ميبقاش فى Send Traffic عالى الا اذا انت كنت بتعمل Downoad او Upload او فى حد بياخد منك حاجه على الـ Share
ازاى اتجنب الفيرس ده ؟؟
انا تجنبته ببرنامج الـ AVG7.1 AntiVirus Professional و اعتقد انه برده برنامج الـ Bitdefender قادر على انه يمنعه من انه يدخل جهازك
افرض انا حميت نفسى بالبرامج ده او برامج تانيه و استمرت نفس المشكله و بدأ برنامج الـ WinArpSpoof يسجل Send Traffic عالى من غير ما اعمل Download و لا Upload و لا حتى حاطط حاجه على الـ Share ??
سعتها يمكن يكون الفيروس قوى شويه و ده لسه مشفتهوش و ملهاش حل غير انك تنزل نسخه ويندوز
ملحوظه :- من المهم جدا عند اكتشاف اصابه الجهاز تنزيل نسخه ًWindows جديده ثم تسطيب برنامج حمايه قوى و ارجح الـ AVG وليس تسطيب برنامج حمايه من غير تغير نسخه الـ Windows
يتبع في الجزء 2
موضوع: جميع مشاكل كارت النيت ورك (الجزء الاول) 
2010-04-29, 15:34
