حب رسولنا

موضوع: حب رسولنا 2010-04-30, 14:03

مولانا يا الله يا فالق الحب.........

أرحمنا عبيدك وأجمعنا بالحب....

حقق آمالنا وسهل لينا الدرب......

نزوره حبيبك الحبه فى القلب.....

ياالله رسولنا حابينه من جوه......

حبيبنا شفيعنا سيد ولاد حوا.......

ياالله هداك أتى الينا بنبينا.........

رسول قدوتنا بشمايله آمينا.......

برأفته بينا بى حبه ضامينا.......

كالجسد الواحد نتداعى للفينا.....

صرنا خيرالأمم بهداك هادينا....

هدانا لحبك بحبه فينا دالينا......

باتباعه نحبك فى حبه قال لينا....

حب رسولنا مكمل ايمانا منجينا..

معاهو ياربى فى الجنان سوا.....

شفيعنا حبيبنا سيد ولاد حوا......

رسولنا يالله أضاء لينا طريقنا....

ظلام الكفر والجهل لايعيقنا......

ليل الشرك ضياءه بتوحيدنا.....

صباح العدل اشراقه بحبيبنا.....

بنور الحق بهداك بفيض ريدنا..

نقدمه حبك على نفوسنا ياسيدنا..

يا الله رسولنا من حوضه نتروا

حبيبنا شفيعنا وسيد ولاد حوا...

رسولنا حبيبنا رسالته تماها....

اليوم أكملت ونفوسنا زكاها.....

من حب الذات لحبه ناداها......

نفوسنا يالله ألهمها به تقواها....

بحبه حبيبنا نفوسنا ترعاها.....

وأقبلها بحبه فى حبه منجاها...

ده حبه حبيبنا مالينا من جوه..

حبيبنا شفيعنا سيد ولاد حوا....

صلاتنا عليه بحبنا له مسقية...

بشوقنا اليه بكل آمالنا مروية...

معروضةعليه وحاجاتنا مقضية

حاجتناشفاعته يوم سمانا مطوية

بشفاعته نجاتناونفوسنامرضية..

بيها ربى نجاوره حبيبناأبورقية

رسولنا ياالله حابينه من جوه....

أنعم بالصحبه وبنورك الضوه..