mido crouse
مشرف المنتديات الاسلامية
عدد المساهمات : 592
الـــتـــقـــيـــيـــم : 3
تاريخ الميلاد : 16/02/1993
تاريخ التسجيل : 18/04/2010
العمر : 31
الموقع : لا الة الا الله
المزاج : لا الة الا الله
 |  موضوع: سيبني ارحل  2010-04-30, 14:06 | |
| سيبني ارحل
اصلي غالباني الكتابة
انكسر قلبي البريدك
وانكشح دم الصبابه
وانقرش حسي البغني
وانقطع وتر الربابة
سيبني ارحل
ما تقول مليت ديارك
لا الحنين جوايا قلا
وجاي انمق في اعتذارك
اصلو ريدك فيني باقي
حتي لو خليت مدارك
الا بس صعبان عليه
قلبي يتغرب جوارك
والحنان الشايلو ليك
يبقه ذي اطواق حصارك
سيبني ارحل
ما المريكب الجاب بودي
صدفه في مجهول لقيتك
وناوي لي مجهول اعدي
سايق اطيافك معايا
تبقه في ايامي سعدي
تبقه في السكه الرفيقه
وتبقه في ذهلاني رشدي
اصلو ليل الوحده قاسي
لما قمري يفوت يعدي
سيبني ارحل
شايل احزاني وجراحي
ممتطي حروفي الكسيحه
وعارفو في بعدك رواحي
يمكن الزمن الاسرني
مره يطلق قيد صراحي
في بحور ايامو اغسل
ليل شقاي ويهل صباحي
ارجع اتوشح سماهو
بعد ما قصقص جناحي
| |
|
????
زائر
| | موضوع: رد: سيبني ارحل 2010-04-30, 14:43 | |
| |
|
