نكت (2) نكت جااااااااامده

نكت (2)
________________________________________
واحد أحول ركب بالمكرو بزق على الشفير وزت المصاري من الشباك


آل في حمصي تزوج أنسة رياضيات آم إجاهم ولد شبه منحرف


القائد : ماهو أهم عمل قمت به في حياتك ؟
الجندي : هجمت على أحد الأعداء وضربته بالسيف ضربة
قاسمة أطاحت قدمه .
القائد : ولماذا قدمه وليس رأسه ؟
الجندي : لأن رأسه كان مقطوعاً .


واحد راح مع مرته على المطعم سأله الكرسون شو بدو
ياكل قاله بدي لحمه بقر مطبوخه كويس ومبهرة كويس وعليها صلصه بالفطر
الكرسون مستغربا:يااستاذ والبقرة المجنونه
الرجل مشيرا الى زوجته:ما بعرف اسالها شو بدها


في مسؤول صدم مسؤول بالسيارة قام حطوا الحق على الشرطي.


كان في اثنان خرسان بحكوا مع بعضن بالكتابة قام كتب الواحد للثاني بقلم عريض قام قلو الثاني ليش عم تصرخ


قال واحد لبناني بدو يعلم واحد حمصي كيف بيتغزلو بالبنات قام فاتوا ع محل ورد قلها اللبناني: عندك ورد يا وردة رجعوا فاتوا ع محل زهر قلها اللبناني عندك زهر يا زهرة قام عرف الحمصي كيف بيتغزلو بالبنات قام فات ع سوبرماركت قلها للبنت: عندك حليب يا بقرة!!!


قررت دمشق وحمص وحماه بناء جسر بين الأعضاء الثلاثة فكان على حمص مهمة الحديد وعلى دمشق الاسمنت وعلى حماه البلوك وبعد اسبوع من بناء الجسر انهار فقال أهل الشام يخسارة راحوا الاسمنتات وقال أهل حماه يا خسارة راحوا البلوكات فقال أهل حمص : كويس يلي ما حطينا الحديدات كانوا راحوا هنا كمان


في كان شيخ جامع وراهب كنيسة كتير بغاروا من بعضن.كل ما يشتري واحد منهن شي يروح التاني يجيب اخوه.وفي يوم من الايام راحوا اشتروا سيارة نفس الموديل.قام فاق الراهب الصبح منشان يغسل سيارته فشافه الشيخ وساله شو عم بتساوي؟ قاله عم عمد سيارتي. قام راح الشيخ و قص اشطمان سيارته



كيف طريقة الإعدام بالغاز عند الحماصنه؟؟؟
بيحطوا المحكوم عليه بالإعدام بغرفة ما إلها أبواب بس سقفها مكشوف وفيها سلم ، وأكيد هو رح يطلع السلم منشان يحاول يهرب فلما بيوصل على آخر السلم بيطلعلوا واحد بيضربوا على راسو بجرة غاز مليانه هاهاها


صحفي أجنبي مارق جنب السجن المركزي بحمص سمع صريخ زلمي عمال يولول من الوجع آم سأل الحارس عباب الحبس الو شبو هادا عم يصرخ ؟ الو هادا مجرم إجا أمر أنو نعدمو على كرسي الكهربا الساعة عشرة حسب أوامر القيادة .الو بس كرسي الكهربا بيموت بربع ثانية . الو الساعة عشرة إلا دقيقة إنقطعت الكهربا وهلق عما نعدمو عل الشمعة


آل كان في شيخ كبير على فراش الموت وحب أنو يعطي ولادو التلاتة نصيحة قبل ما يموت .
فجمعهم و طلب منهم يجيبوا حزمة عصي من الخيزران وطلب من كل واحد ياخد عصاية وحدة ويكسرها آم كل واحد من ولادو التلاتة كسرها بالفعل فقال لولادو : شفتو شلون اذا كنتو مفترقين شلون كل واحد سهل أنو ينكسر .
وبعدين طلب منهم أنو يحاولو يكسروا الحزمة كلها
أخد الولد الصغير الحزمة وحاول يكسرها بس ما قدر .
أخد الولد التاني الحزمة وحاول يكسرها بس كمان ما قدر .
أخد الولد الكبير الحزمة ( وكان قوي شوي ) وحاول يكسر الحزمة أول مرة ما قدر وحاول تاني مرة آم فعلاً كسرها .
آم سكت الأب شوي وبعدين قال لأبنو الكبير : الله يلعن أبوك شو بدي أحكي انا هلأ يا حمار