شعر الجرح

فى عيونى جرح ومدارى عن كل اللى حواليا
ولا مرة حكيت علية ولا شاورت بايدى
ناس كتير من اصحابى بداوى لهم جروحهم
ولا عمرى شكيت ولا عمرى بكيت
فى قلبى جروح وبداريها
ودايما ببتسم والفرح ملينى
علشان لا امى تسالنى مالك
ولا حتى حبيبى الغايب
دايما بظهر متماسكة
وليلى بيكمل لنهارى
ايامى اللى جارحانى ودايما بحايلها
ويشوفوا الدمع فى عينى
اقول من فرحى وضحكى
عيونى بتدمع
وبضحك للى ظلمنى
واقول قوة ربنا اكبر
والاقى حواليا ناس تبكى
وناس تشكى
احاول اهديهم وعلى قد ما بقدر بداويهم
وانا مين يداوى اللى بيا
بس الاكيد رحمة ربنا اكبر
مصبرنى على الليالى والايام اللى واقفة بيا
وبصبر نفسى واقول هانت مسير الايام تعدى
كلمات
موفا استار